Тіл – халықтың әл-ауқаты

Гуманитарлық циклдің онкүндігі аясында мектепте 9 сәуір қазақ тілі күні болып жарияланды. Тіл – халықтың игілігі, ұлттың бірігуіне, тұтастығына ықпал етеді. Ана тілі – тәрбие құралы, адамдар арасындағы қарым-қатынасты нығайта түсетін тірек. Бұл күні қазақ тілі мен әдебиеті пәнінің мұғалімдері Билялова Г.А., Усенова Г.А., Ниханбаева Б.Ж. 1-4 сынып оқушылары арасында құстар күніне арналған «Құстар біздің досымыз» сурет көрмесі, 3 сынып оқушылары арасында «Мың бір мақал» сайсы өтті,М.Жұмабаевтың 130 жылдығына арналған 8-11 сынып оқушылары арасында эссе байқауы сияқты іс-шаралар ұйымдастырып, өткізді. Құрманғазы Сағырбайұлының 200 жылдығына арналған «Өнерім-Өмірім» ақпараттық стенді жасалды. Үзіліс кезінде ,қазақ тілі мұғалімдері Г.А.Үсенова, Б.Ж.Ниханбаева ,бастауыш сынып оқушыларына «Ұлттық ойындар» атты көңілді сайыстар ұйымдастырды. 7-сынып оқушылары Шарыгина А. мен Разгонова В., 11-сынып оқушысы Бектұрсынов Н. «Қазақшаңыз қалай?» челлендж өткізіп, оның барысында мектеп мұғалімдері мен оқушылары мемлекеттік тілді жетік меңгергендіктерін көрсетті.Қазақ тілі мен әдебиеті пәнінің мұғалімдері Біләлова Г.А. және Үсенова Г.А. «Білгенге маржан» сайысын өткізді.