«Темекі шегу күні»

Соңғы статистикалық мәліметтерге сәйкес, жасөспірімдердің темекі шегуі өскелең ұрпақтың өзекті мәселелерінің арасында жетекші орындардың бірін алады. Халықаралық темекіден бас тарту күні аясында мектепте бірқатар іс-шаралар өткізілді. Оқушылардың өзін-өзі басқару мүшелері арасынан шыққан үгіт бригадасы аға тәлімгермен бірлесіп, жалпы мектеп жиынында темекі шегудің зияны туралы ақпаратпен және салауатты өмір салтын ұстануға шақырумен сөз сөйледі. Барлық сыныптарда оқушылардың өнімді, белсенді жұмысына бағытталған «Темекі шегу немесе денсаулық – таңдау сенікі!» тақырыбында ақпараттық сағаттар өткізілді. Балаларға әлеуметтік бейнероликтер, танымдық фильмдер көрсетілді, кейін талқылау жүргізілді, оқушылар пікір алмасты. Бұл жұмыстың нәтижесі темекі шегудің зияны мен салауатты өмір салтын насихаттайтын плакаттар, коллаждар жасау болды. Темекі шегуді алдын алу мақсатында Целиноград ауданы Жастар денсаулық орталығының жауапты маманы Жаңабергенова Алмагүл Серікқызы 7-11 сынып оқушыларымен әңгіме жүргізді. Оқушылардың назарына электронды темекінің зияны, балалық және жасөспірімдік шақта темекі шегудің қалыптаспаған ағзаға зиянды әсері туралы ақпарат қолжетімді түрде жеткізілді. Осы тақырыпта мектеп медбикесі мен әлеуметтік педагог сауалнама жүргізді. Апта 1-4 және 5-11 сынып оқушылары орындаған ашық түсті суреттер мен плакаттар көрмесін өткізумен аяқталды. Барлық іс-шаралардың негізгі лейтмотиві: «Біз денсаулығымыз үшін жауаптымыз! Дені сау болу - беделді және сәнді!»